عبدالفتاح الحموز {{ نحو }}
٢٠~~> نصفي اول
٢٠ ~~>نصفي ثاني
٤٠~~> نهائي
١٠~~> واجبات وغياب
امتحاناته متوسطة الصعوبه ، لازم تكتبون الشرح والامثلة معاه ، لان الامتحان كله من المذكرة اللي تكتبونها وياه ..
يقدر الطلبة .. بس مرات يوصل المعلومة صحح ومرات لازم تقرين الكتاب عشان تفهمين عدل ..
بالنسبه للغياب اذا كان عندج { عذر طبي } يشيل الغيابات
ونهاية الفصل يرفع الطلبه معدل أو معدلين ..
انصح فيه :)
>> رأي ثان
الحموز نحو 4
شرحه تحسين نفس شرح الكتب يعني يفصل الكلمة وممكن يعطيج امثله على شغلات مو بالدرس، باختصار هو متوسط بالشرح مبين انه فاهم بس مايعرف يوصل المعلومه عدل، بالنسبه لتوزيع درجاته نصفيين عليهم عشرين درجة وعشر درجات تقارير وخمسين نهائي وفي درجات إضافية للي مايغيبون،
الامتحانات صعبة بعض الشيء ومايجيب من شرحه مرات يطلع برا الموضوع باختباراته، ما انصح فيه بس بنحو ٤ مجبورين :(
رأي شخصي:
ردحذفبالنسبة لي أحب هالدكتور ♡
اخذت عنده نحو ١ و ٤
اللي تبي تضمن قريد حلو عنده تركز معاه بالمحاضرة وتكتب كل شي لأنه مرات ما يشرح القاعدة عدل أو ماتوصل بسهولة للطلبة وعيبه ما يسمع عدل يعني يمكن تسألينه عن شي يطنشج ههههه بس انا كنت اذا ما فهمت شي أروح له بالمكتب يفهمني وحيل طيب وحبوب ويساعد ، امتحانه ما يطلع برا الأمثلة اللي يقولها صج مرات يشطح لقواعد مو مطلوبه بس ما يجيبها بالامتحان
وامتحاناته مكررة عندي نموذج لنحو ٤ واللي تبيه تتواصل معاي بتويتر @ha_otb5