عن الدكتور حسن الهنداوي

الدكتور : حسن الهنداوي 

المادة : نحو 1

أخذتها صيفي 

الشرح يكون بور بوينت و شرح واضح  

امتحانين نصفيين وسهليين حيييييييل وطريقته مقالي و تكملون جدول وصح وخطأ   بس يحاسب فيه على كل شي حتى ع التشكيل يعني عالرغم من سهولة الإمتحان إلا انه تصحيحه دقيق و بالملي، في تسميع قصيدة و آيات واجبات 

يشوف منو يكتب الواجب ومنو اللي مايكتبه وحضور يهتم بالمشاركة حيل يعني بين فترة وفترة ينادي البنات بأساميهم ويسألهم عن ماسبق دراسته مافي درجات إضافية كل واحد وحقه

بس ممكن يعطي  درجة إضافية وحدة اذا اهتميتي بترتيب دفترج.

نظام مدرسة

يعني كنا نكتب كل شي يكتبه

يكتب القاعدة ويقراها ويشرحها

يعني تعريفها واقسامها وهالاشياء حفظ

وتجي بالاختبارات

واختباراته سسسسسسسسسهلةة

كلها من النوت واللي كاتبينه بس يبيله دراسة عدل وتركيز

عن الدكتور صلاح الناجم

صلاح الناجم : مدخل إلى علم اللغة

امتحانين نصفيين + نهائي

الاول ٢٥ 

الثاني ٢٥ 

النهائي ٥٠ 

ياخذ احسن درجه من النصفيين ويدبلها 

وبعد النهائي يسوي كيرف يرفع من نفسه 

امتحاناته موضوعي اختياري ويحط سؤالين درجتين إضافيتين بكل امتحان 

ما يدقق حيل على الغياب والتأخير عادي

محاضرته ممتعة ، وشرحه كله على بور بوينت

ممتاز جدا انصح فيه وبشدة 

عن الدكتور عبدالفتاح الحموز

عبدالفتاح الحموز {{ نحو }}

٢٠~~> نصفي اول 

٢٠ ~~>نصفي ثاني 

٤٠~~> نهائي

١٠~~> واجبات وغياب 

امتحاناته متوسطة الصعوبه ، لازم تكتبون الشرح والامثلة معاه ، لان الامتحان كله من المذكرة اللي تكتبونها وياه ..

يقدر الطلبة .. بس مرات يوصل المعلومة صحح ومرات لازم تقرين الكتاب عشان تفهمين عدل  .. 

بالنسبه للغياب اذا كان عندج { عذر طبي } يشيل الغيابات

ونهاية الفصل يرفع الطلبه معدل أو معدلين .. 

انصح فيه :)

>>  رأي ثان 

الحموز نحو 4

شرحه تحسين نفس شرح الكتب يعني يفصل الكلمة وممكن يعطيج امثله على شغلات مو بالدرس، باختصار هو متوسط بالشرح مبين انه فاهم بس مايعرف يوصل المعلومه عدل، بالنسبه لتوزيع درجاته نصفيين عليهم عشرين درجة وعشر درجات تقارير وخمسين نهائي وفي درجات إضافية للي مايغيبون،

 الامتحانات صعبة بعض الشيء ومايجيب من شرحه مرات يطلع برا الموضوع باختباراته، ما انصح فيه بس بنحو ٤ مجبورين :(

عن الدكتور مشاري الموسى

مشاري الموسى نصوص قرآنية : 

النصفي الأول 25 

النصفي الثاني 25 

التحضير 10 درجات 

40 الامتحان النهائي 

كل امتحان من امتحانته قسمين قسم يعطيكم أسئلته وقسم ما يعطيكم أسئلته لكن يكون شارحها لكم بالمحاضرات 

ومستوى القسم الثاني متوسط الصعوبة كل اللي عليكم تكتبون معاه كل شيء وإجاباتكم تكون كاملة وبالتفصيل بالامتحان

التحضير يكون محدد يوم لكل طالبة تحضر فيه الدرس اللي راح يشرحه ويعطيج عليه سؤال بسيط بداية المحاضرة سواء شفوي أو ورقة صغيرة تجاوبين عليها 

مستوى شرحه : 👍فوق الممتاز

عنده رفع للي ما تغيب ولا يوم 

مثلاً وحدة حصلت على A- تصير A مع الرفع 

ياخذ الحضور والغياب.

عن الدكتور محمد القناعي

محمد القناعي شعر إسلامي أموي :

20 نصفي أول 

20 نصفي ثاني

عنده مذكرة كبيرة خاصة بالتحضير بس أما الامتحان تدرسون له من المذكرة الصغيرة ما تزيد عن 5 صفحات هو يوزعها عليكم.

عنده حفظ قصائد مع كل امتحان قصيدتين تحفظين منهم 8 أبيات من كل قصيدة.

5 درجات مشاركة خاصة (عبارة عن عرض تقديم عن شاعر أو قضية تتعلق بالشعر الإسلامي الأموي مدته 5 دقايق ما تزيدين عن 5 دقايق بدون بوربوينت). 

15 درجة على التحضير يطلب منكم تحضرون وتذاكرون درس من المذكرة الكبيرة ويعطيكم من باجر سؤال عليها السؤال الواحد عليه 1 ونص ومجموع الأسئلة 10 أسئلة. 

40 درجة الامتحان النهائي 

كل امتحان نصفي يعطيكم قبله مذكرة من 5 صفحات تدرسونها والامتحان ما يطلع منها. 

النهائي يعطيكم مذكرة من 8 صفحات والامتحان ما يطلع منها. 

اللي بالنصفي الأول ما يدخل بالنصفي الثاني وكلهم ما يدخلون بالنهائي.

عنده درجات إضافية مع كل امتحان درجتين.

مستوى شرحه : جيد جداً 👍

ياخذ الحضور والغياب 

عن الدكتور أحمد الهواري

أحمد الهواري نثر عربي :

 ٢٠ /٢٠ امتحانات نصفية ٢٠ واجبات عبارة عن كتب يختارهم رواياات ويكون مزهب عشرين سؤال حول الرواية وتحلينهم؛ ٤٠ نهائي ، امتحاناته قسمين ، قسم موضوعي وقسم مقالي. .، لازم تكتبين معاه كل حرف وتفهمينه لانه يجيب الموضوعي اكمل الفقرات من الدروسسسس من بين الاسسطر وما يحب تكتبين الموضوعي نفس الاوراق يبي من الفهم ان كتبتي نفس الاوراق يحسبج غاششة ، اما المقالي يكون مكتوب اهو كاتبهم بأوراق اهو موزعها يطلب نبذة عن كل كاتب تاخذونه ويطلب هالسؤال بالامتحان اكتبي نبذة عن فلان بالنصفي شخصيتين ، بالنهائي كانوا ثمان كُتاب تكتبين عنهم نبذة، وو كمية النصفي تدخل بالنهائي 

مستوى شرحه : جيد جداً 👍